मुंबई: राज ठाकरेंनी यांनी पुन्हा एकदा पंतप्रधान नरेंद्र मोदींना व्यंगचित्राच्या माध्यमातून लक्ष्य केलं आहे. पंतप्रधान नरेंद्र मोदी हे नेहमी थापांचे पतंग उडवतात  असे राज यांनीआपल्या नव्या व्यंगचित्रातून दाखवले आहे. अमित शहा, भक्त आणि काही मीडियासोबत मोदी पतंग उडवत आहेत. 10 टक्के सवर्ण आरक्षणाचा पतंग आकाशात उडत आहे आणि आधी दिलेल्या आश्वासनांचे पतंग गच्चीत पडले आहेत, असं व्यंगचित्र काढून राज यांनी आरक्षणाच्या निर्णयावरुन आपल्या खास शैलीतून टीका केली आहे

गेल्या आठवड्यात मोदी सरकारनं आर्थिकदृष्ट्या मागास असलेल्या सवर्णांना आरक्षण देण्याचा निर्णय घेतला आहे . यानंतर लगेचच संसदेत याबद्दलचं विधेयक मंजूर करुन घेण्यात आलं. यावर अनेक  घटनातज्ज्ञांनी हे आरक्षण तांत्रिकदृष्ट्या टिकणार नाही, असे मत व्यक्त केले आहे. त्यांच्या या निर्णयाला लक्ष करत राज यांनी मोदींची नवी थाप असं व्यंगचित्र  रेखाटलं आहे. मोदी अमित शहा, भक्त आणि काही मीडियासोबत पतंग उडवताना या व्यंगचित्रात राज यांनी दाखवले आहेत. त्या पतंगावर 'नव्या थापा 10% आरक्षण' असा मजकूर आहे. मोदी आणि आसपासचा भक्तांचा मेळा पतंग उडवत असल्याचं राज यांनी व्यंगचित्रात दाखवलं आहे. मात्र त्याच गच्चीवर असलेल्या पतंगांवर भाजपनं  पाठ फिरवली आहे. असे व्यंगचित्र राज यांनी आपल्या फेसबुक आणि ट्विटर वरून शेअर केले आहे. 

सवर्ण आरक्षणाच्या थापेचा पतंग आकाशात उडत असताना काही जुने पतंग मात्र गच्चीवर पडून आहेत. त्यातीत प्रत्येक पतंगावर मोदींची आश्वासनं, त्यांचे निर्णय आणि योजनांचा उल्लेख आहे. मेक इन इंडिया, नोटाबंदी, स्वच्छ भारत, जीएसटी, देशी काळा पैसा, डिझेल-पेट्रोलचे दर, कर्जमाफी, प्रतिवर्षी 2 कोटी रोजगार, परदेशी काळा पैसा, नीरव मोदी, मल्ल्या, चोक्सी आणि इतर असा मजकूर असलेले पतंग गच्चीवर पडल्याचं चित्र राज यांनी त्यांच्या व्यंगचित्रात दाखवलं आहे. मोदी केवळ थापांचे पतंग उडवतात. प्रत्येकवेळी नव्या थापा मारतात, असं राज यांनी व्यंगचित्रातून सुचवलं आहे.